كوسا باللبن << شيخ المحشي

السلام عليكم ورحمة الله وبركاته

مساء الخير ياحلووين

جايبة لكم طبق انما ايه حتكلو اصابعكم وراها <<< احلفي

وهو كوسا باللبن (( شيخ المحشي )) كلنا عرفناه من باب الحاره ويه ياماتلذذنا وهم ياكلونه << مو كأنج متأخره رمضان خلص وانتي جايبته الحين
يالله عاد بسدح لكم المقادير وبعدها الطريقه

12

كوسا صغيرة الحجم

1لحم مفروم

بصل

2 ملعقة اكل زيت

2 كوب روب

2ملعقة اكل نشاء

1ونص كوب ماء

ملح وبهارات مشكله ومكعب ماجي

زيت للقلي

يوضع اللحم على النار حتى يجف ثم يضاف اليه ملعقة اكل زيت والبصل

على فكره ماقلت لكم جم بصله انتم على مزاجكم يعني مثل ماتسوون حشوة السمبوسه

ويقلب على النار حتى يجف تمام ثم يتبل بالملح والبهار والماجي

بعد مايخلص حطيه على جنب بعد مانغلي الكوسا

تحفر الكوسا من الوسط ويزال اللب الداخلي

ثم تقلى في زيت لمدة دقيقتان حتى تذبل قليلا

وتطلعينها من الزيت وتحشى باللحم المفروم

يخلط الروب مع الماء والنشاء ويوضع على نار متوسطة الحراره مع التلقيب المستمر

حتى يغلي ثم يضاف اليه الكوسا وتترك حتى تنضج ثم تقدم ساخنه

ويه خلصنا
هذي تنقلي

وهذي الحشوه

وهذي بعد ماحشيتها باللحمه

اما هذي كانت تنطبخ بالجدر

بصحن التقديم وزينتها بالبقدونس الله الله ع الكشخه هع هع

وهذا صحني ويه جوناان الطبخه تهبل انصحكم تجربونها

طعم لايقاوم <<< حلفي

صحتين وعافيه على قلوبكم